أخبار نشاطات مكتب شؤون الشباب
Written by مكتب شؤون الشباب بحزب الشعب الديمقراطي الارتري
بعد الفراغ من كلٍّ من المؤتمر الثاني للحزب ومهرجان ارتريا 2015م مباشرةً قام مكتب شؤون الشباب بالمكتب التنفيذي لحزب الشعب الديمقراطي الارتري في الحادي عشر من سبتمبر 2015م بعقد اجتماعٍ ناجح. الاجتماع الذي يعتبر أول أنشطة الحزب منذ انعقاد المؤتمر، حضره كل أعضاء الحزب والكوادر القيادية العاملة في نشاطات تتعلق بشؤون الشباب. وهؤلاء سردوا عصارة انطباعاتهم وتجاربهم الغنية التي تؤكد أن غياب فئة الشباب عن مسرح مواجهة الدكتاتورية وإنقاذ الوطن والشعب الارتري أمرٌ له ما يبرره، فقد أوضح المتحدثون أن الشباب الارتري اليوم يعاني من عدة مشكلات فريدة في نوعها، فهو بالداخل يعيش من ناحية عبودية مشروع ما يسمى بالخدمة الوطنية العسكرية ومن ناحية الدروس التي يلقنها من أسرته ومحيطه الاجتماعي صباح مساء بعدم التمرد علي الطبقة الحاكمة مهما بلغ حكمها من السوء، وعندما يتمكن مجازفاً ومغامراً بنفسه من الشروع في الهجرة وما يلاقيه في سبيلها من ويلات الطريق ثم الحصول علي حق اللجوء وامتيازاته لأمرٌ يجعله كارهاً لإرتريته، أما عندما يتأمل الشاب الارتري حال المعارضة فيجدها منخرطةً في كل ما يخدم النظام الدكتاتوري ولا ينقذ الشعب والوطن، لكن كما يقول أولئك المتحدثون الشباب فإن اللغة السياسية السائدة اليوم والتي تصف الشباب بنقص الروح الوطنية، والأنانية وعدم الاكتراث إلا لمصالحه الشخصية يجب أن تتوقف، وأن يسود مكانها التفهم والتقدير لحال الشباب ومعاناتهم المركبة وتقديم كل مساعدة ممكنة لهم، ومتى ما وجد شبابنا البصيص من التقدير والتفهم فإنه لن ينسى وطنه وشعبه ولن تغريه مباهج العيش في الغربة عن العودة الي معايشة هموم بلاده والاهتمام بمعاناة شعبه. لذلك ناشد المتحدثون معسكر المعارضة عموماً وحزب الشعب الديمقراطي الارتري خصوصاً بمد يد العون لأولئك الشباب وتأهيلهم وتوعيتهم بأكثر مما بـُــذِلَ في أي وقتٍ مضى.
هذا وقد تعهد المتحدثون بزيادة وتيرة برامجهم الهادفة لتطوير عمل مكتب شؤون الشباب والوفاء بهذا التعهد خلال مدة العام الأول لنشاط مكتب الشباب خلال دورة مؤتمر الحزب الحالية وقدموا في ذلك آراء ومقترحات في غاية الثراء.
ኣቦመንበር ሰልፊ ደሞክራሲ ህዝቢ ኤርትራ (ሰዲህኤ) ሓው መንግስተኣብ ኣስመሮም ብ26 መስከረም 2015 ምስ መላእ ኣባላት ሰልፊ ኣኼባ ኣካይዱ። ንሱ ኣብቲ ብኤክትሮኒካዊ መንገዲ (ብፓልቶክ) ዘካየዶ ኣስታት 4 ሰዓታት ዝወሰደ ኣኼባኡ ብሓፈሻ ንመስርሕ 2ይ ጉባአ ሰደህኤ ብዝርዝር ገሊጹ፡ ብፍላይ ድማ ንሓፈሻዊ መስርሕ ኣጸዳድቓን ትሕዝቶን ፖለቲካዊ መደብ ዕዮን ቅዋምን ሰልፊ ዝምልከት ዓሚቝ መብርሂ ሂቡ። ምስዚ ኣተሓሒዙ መስርሕ ኣመራርጻ መሪሕነትን ፖለቲካዊ ውሳነታትን ዝምልከት’ውን ኣብሪሁ። ብዘይካዚ እቲ ኣብ 2ይ ጉባአ ዝተመርጸ 33 ቀወምትን 4 ተጠባበቕትን ኣባላት ዘለዉዎ ማእከላይ ባይቶ ናብ ስሩዕ ስርሑ ቅድሚ ምእታዉ ከካየዶ ዝጸንሐ ምድላዋትን ዝሓንጸጾም ናይ ዝተፈላለያ ኣብያተ ጽሕፈት ትልምታትን ፈጸምቲ ኣካላትን ዝምልከት ሰፊሕን ዝርዝራውን መገለጺ ሂቡ።
ድሕሪ እዚ ዝርዝራዊ ሓበሬታዊ መብርሂ፡ መድረኽ ሕቶን መልስን ምስተኸፍተ፡ ተሳተፍቲ ነቲ ዝተዋህቦም መብርሂ መሰረት ገይሮም ዝተፈላለዩ ሕቶታት ኣቕሪቦም ኣዕጋቢ መልስታት እውን ተዋሂብዎም። ካብቶም ኣብ መድረኽ ሕቶን መልስን ብሓያሎ ካብ ተሳተፍቲ ዝያዳ ቆላሕታ ዝተዋህቦም ዛዕባታት ፖሊሲ ሰልፊ ደሞክራሲ ህዝቢ ኤርትራ፡ ኣብ ምሕያል ውሽጣዊ ሰልፋዊ ዓቕሚ፡ ሓድነት ተቓወምቲ ሓይልታት ኤርትራ ዝምልከትን ኣተገባብራኡን፡ ኣድላይነት ተሳትፎ መንእሰያትን ደቂ ኣንስትዮን ዝምልከቱ እቶም ቀንድታት ነይሮም።
ኣቦመንበር ሰልፊ ነዞም ሕቶታት ናይ ሰልፊ ፖሊስን ዝተሓልፈ ተመኩሮታትን መሰረት ብምግባር ክምልስ እንከሎ፡ ሰልፊ ናይ ምሕያል ሓላፍነት ንዝተወሰነ መሪሕነታዊ ኣካል ዝግደፍ ዘይኮነስ ብጻዕርን ተወፋይነትን ኩሎም ኣባላት ከም ዝረጋገጽ ገሊጹ። ጉዳይ ሓድነት ሓይልታት ተቓውሞ ብደረጃ ጉባአ ይኹን ናይ መሪሕነት ኣኼባታት ዝያዳ ግምት ተዋሂብዎ ብደቂቕ ክዝተየሉ ከም ዝጸንሐ ብምጥቃስ ሰልፊ ኣብዚ ዛዕባዚ ዘለዎ ውህሉል ተመኩሮ ኣብ ግምት ኣእትዩ ብሓድሽ ኣገባብ ክሰርሓሉ ተዳልዩ ከም ዘሎ ኣነጺሩ። እዚ ከምዚሉ እንከሎ፡ ናይ መንእሰይ ተሳትፎ ኣብዚ ዝካየድ ዘሎ ቃልሲ መተካእታ ከም ዘየብሉ ብምርዳእ ኣብ ጉባአ ዝያዳ ቆላሕታ ካብ ዝተዋህቦም ዓበይቲ ጉዳያት ከም ዝነበረ ኣረጋጊጹ።
ኣብ መወዳእታ እዚ ብህድኣትን ሓላፍነታዊ ስምዒትን ዝተኻየደ ኣኼባ፡ ተሳተፍቲ ኣብ ዝሃብዎ ርኢቶታት፡ ምስ ውድባት ዝግበር ርክባት ጥንቁቕን ኣብ መጽናዕቲ ዝተመርኮሰን ክኸውን፡ መሪሕነት ንመሰረታት ውድብ ኣብ ኩሉ መዳያት ከንቀሳቕሶም፡ ኣባላት ሰልፊ ብወገኖም ኣብዚ ወሳኒ ኣዋን ኣበርክተኦም ከዛይዱ ቅሩባት ምዃኖም ኣነጺሮም። ኣቦመንበር ብወገኑ ኣኼባ ከጠቓልል እንከሎ፡ ነቲ ዝነበረ ተሳትፎን ዝተዋህበ ሃናጺ ሓሳባትን ኣመስጊኑ፡ እቲ እንብህጎን ንቃለሰሉ ዘለናን ዕላማ ንክዕወት ናይ ኩሉ ኣባልና ቀጻሊ ተሳትፎን ዘይሕለል ጻዕርን ዝያዳ ክሕይል ጸዊዑ።
27 መስከረም 2015
ብልቢ እነፍቕሮን ዘፍቅረናን ሓውና፡ ኣቦና ተጋዳላይ ስዩም ዑቕባሚካኤል ብሞት ካብ ዝፍለየና ኣብ ዝምጽእ ታሕሳስ ዓሰርተ ዓመት ክኾኖ ኢዩ። እዚ ካብ ግዜ ንእስነቱ ጀሚሩ፡ ደኺመ ከይበለ፡ ብዘይ ዕረፍቲ፡ ምእንቲ ራህዋን ሰላምን ፍትሕን ህዝቡን ሃገሩን ዝተቓለሰ ሓውን ኣቦን፡ ብኣካል ንስኣኖ ምበር ስራሑን ሞያኡን ታሪኹን ምሳና ብምህላዉ ሕቡናት ኢና። ተጋዳላይ ስዩም ብመደብ ኣብ ኢትዮጵያ፡ ኣዲስ ኣበባ ኣብ ዝነበረሉ እዋን ኢዩ፡ ብ17 ታሕሳስ 2005 ብሃንደበት፡ ብሕማም ልቢ ካብዛ ዓለም ተፈልዩ። ኣስከሬኑ ካብ ኣዲስ ኣበባ ናብ ሆላንድ ብምምጻእ ቤተ-ሰቡን ስድራ ቤቱን ብዙሓት መቃልስቱን ፈተውቱን ኣብ ዝተረኽብሉ ብ30 ታሕሳስ 2005 ኣብ ፍላርዲንገን ከባቢ ሮተርዳም ሓመድ ኣዳም ለቢሱ።
ብኣጋጣሚ ናይ ዓሰርተ ዓመቱ፡ ንእነፍቅሮ ኣቦናን ሓውናን ስዉእ ተጋዳላይ ስዩም ዑቕባሚካኤል እንዝክረሉ መደብ፡ ንቀዳም 19 ታሕሳስ 2015 ኣዳሊና ስለዘሎና፡ ኣብዚ መዓልቲ ዚ ምሳና ክትውዕሉን ዘሎኩም ዝኽሪታት ከተካፍሉን ንኩሉኹም ፈተውትን መቃልስትን ስውእ ስዩም ብክብሪ ንዕድመኩም።
መደብ ናይቲ መዓልትን፡ ኣድራሻ ናይቲ ቦታን ኣብ ዝመጽእ ግዜ ክስዕብ ኢዩ።
ስድራ ቤት ስዉእ ተጋዳላይ ስዩም ዕቕባሚካኤል
Non Violence Means of Resistance - an EPDP Principle
Written by Desbele Kahsay
“ብሄራዊ ናይ ሓበሬታን ድሕንነትን ኣገልግሎትን ፈደራል ፖሊስን ሓባራዊ ጸረ-ራዕዲ ሓይሊ ዕማም” ዝተባህለ ኢትዮጵያዊ መንግስታዊ ኣካል ብ13 መስከረም 2015 ኣብ ዘውጸኦ ጋዜጣዊ መግለጺ “ደምህት” ብዝብል ስም ብመንግስቲ ኤርትራ ክሕገዝ ዝጸንሐ ኢትዮጵያዊ ተቓዋሚ ሓይሉን ዕጥቁን ጠርኒፉ ብ12 መከረም 2015 ናብ ኢትዮጵያ ከም ዝኣተወ ሓቢሩ። እቲ መግለጺ ከም ዝሓበሮ እዚ ፍጻመ መንግስቲ ኢትዮጵያ ምስ ግዱሳት መራሕቲ ናይ ደምህት ኣቦምንበሩ ኣቶ ሞላ ኣስገዶም ብምርድዳእ ንዝያዳ ሓደ ዓመት ግዜ ክሰርሓሉ ምስ ጸንሐ፡ ኣብቲ ዝተደልየ ግዜ ዝተተግበረ እዩ። ኣቶ ሞላ ኣስገዶም ናይቲ ብዶ/ር ብርሃኑ ነጋ ዝተመርሓ ኣብዚ ቀረባ ግዜ ኣብ ኣስመራ ዝተመስረተ ናይ ኢትዮጵያ ተቓወምቲ ግንባር ምክትል ኣቦመንበር ኮይኑ ተመዲቢ ዝነበረ እዩ።
በቲ መግለጺ መሰረት ኣስታት 800 ዝኾኑ ግቡእ ዕጥቂ ዘለዎም ኣባላት ደምህት ብሓንሳብ ብወገን ሑመራ ናብ ኢትዪጵያ ክሰግሩኳ መደብ እንተነበረ፡ ኣብ መወዳታ ሰዓት እዚ ምስጢር ኣብ መንግስቲ ኤርትራ ሰለ ዝበጽሐን ምስ መንግስቲ ኢትዮጵያ ዝነበረ ርክብ ስለ ዝተቋረጸን፡ ተፈጢሩ ዝነበረ ጸገም ብፍሉይ ውሕልነት ከም ዝተፈጸመ ኣብዚ መግለጺ ተጠቒሱ’ሎ። መንግስቲ ኤርትራ እዚ ሓበሬታ ምስ በጸሖ ናብ ከባቢ እሞሓጀር ሰራዊ ኣንቀሳቒሱ ዶብ ክዓጹ ከም ዝፍተነ፡ እንተኾነ እዚ ናብ ኢትዮጵያ ዝተመልሰ ሓይሊ ደምህት ነቲ ኣብ ቅድሚኡ ዝጸንሐ ናይ ኤርትራ ሓይሊ፡ ኣብ ሰራዊት ኤርትራ ከይወድቕ ዝበሎ ንብረትን ተሽከርከርትን ኣንዲዱ ናብ ሓምዳይት ከም ዝኣተወ’ውን እዚ ጋዜጣዊ መግለጺ ሓቢሩ። ከምኡ እውን እዚ ሓይሊ ውግእ ምስ ኣጋጠሞ ገሊኡ እንዳተጓዕዘ ገሊኡ ድማ እንዳ ተኸላኸለ ኣብቲ ዝድለ ቦታ ከም ዝበጸሐ ተገሊጹ። ኣብቲ ዝተፈጥረ ጐንጺ ኣብ ክልቲኡ ወገናት ጉድኣት ከም ዝወረደ’ውን እቲ መግለጺ ኣይሓበአን። እቲ ናብ ኢትዮጵያን ናብ ሱዳንን ምእታው ሕጂ’ውን ዘርጠብጠብ እንዳበ ይቕጽል ምህላዉ ከዓ ተሓቢሩ።
ኣብዚ እዋንዚ ካብ ኤርትራ ምውጻእ ዘይከኣሉ ናይ ደምህት ኣካላት፡ ሕሙማት፡ እሱራት፡ ናይ ኪነት ኣባላትን ካለኦት ዓቕሚ ዝሰኣኑን ጥራይ ምዃኖም ኣብዚ መገለጺ ተሓቢሩ። እዚ ከምዚ ኢሉ እንከሎ መንግስቲ ሱዳን ነቶም ኣብ ሱዳን ዝኣተዉ ግቡእ ኣቀባብላ ብምግባርን ናብ ዶብ ኢትዮጵያ ብምፍናውን ንዝገበሮ ምትሕብባር እዚ ብናይ ኢትዮጵያ ብሄራዊ ናይ ሓበሬታን ድሕንነትን ኣገልግሎትን ዝወጸ መግለጺ ምስጋንኡ ገሊጽሉ።
ቅድሚ ሕጂ ዝተፈላለዩ ኤርትራዊ ወገናት፡ መንግስቲ ኤርትራ ስልጣኑ ንምሕላው ኮነ፡ ከም ግፋ መንእሰያት ኣብ ከተማታትን ገጠራትን ኤርትራ ኣብ ዝኣመሰሉ ጸረ ህዝቢ ተግባራት ዕጡቓት ኣባላት ደምህት ብምውፋሩ ዝሓደሮም ስግኣት ክገልጹ ከም ዝጸንሑ ዝዝከር እዩ። ኣብ ሓይልታት ምክልኻል ኤርትራ’ውን ማዕረ ደምህት ዕጥቅን ራሽንን ኣይንወሃብናን’ዩ ዝብል ቅሬታ ከም ዝጸነሖ ዝፍለጥ’ዩ።
ቃል መርበብ ደቂ ኣንስትዮ ኤርትራውያን ኣብ ፈስቲቫል 2015 (ፍራንክፈርት)
Written by ቤት ጽሕፈት ዜና ሰደህኤ
ክቡር ኣቦ ወንበር EPDP መንግስትኣብ ኣስመሮም
ዝኸበርክንን ዝኸበርኩምን ኣባላት EPDP
ክቡራት ዕዱማት
ብስም መርበብ ደቂ ኣንስትዮ ኤርትራውያን (Network Of Eritrean Women) ቃልና ከነስምዕ ዕድል ምሃብኩም እመስግን።
ዓሚ ኣብ ኤርትራ የራኽበና ኢለ ትምኒተይን ትምኒት ብዙሓትን ኣተብቢሄ ነይረ። ኣብ ክንድኡ ኣብ ጀነቫ ተራኺብና። እዚ ናይ መን ኮይኑ።
መርማሪት ኮምሽን ሰብኣዊ መሰላት ኤርትራ እቲ መብዝሕትና ንፈልጦ ኣቀዲምና ዝሰምናዕናዮን ዝረኣናዮን ሰኒዳ። ንዓና ናኤርትራውያን ዳግማይ መርድእ ታሪኽ ግፍዒ ታሪኽ ሕገኣልቦነት ታሪኽ ዓመጻ ታሪኽ ቅትለትን ጥፋአትን ስደትን።
ጀነቫ ካብ ተላዕለ ክልተ ካብቲ ንመርማሪት ኮምሽን ዝቕረበ ሓጺር ምስክርነት ክጠቅስ ፍቀዱለይ። እታ መስካሪት ብዛዕባ ናይ ሓንቲ ምስ ህጻን ወዳ ዝተኣስረት መንእሰይ ኣደ ክትገልጽ ከላ ከምዚ ትብል:
„ ኣብቲ መጀመርያ ዝረኣኹዋ ግዜ የእዳዋ ብመቑሕ ተኣሲራ ጸኒሓትኒ። እቲ አተአሳስራ ናይ አእዳዋ ተሪር ስለዝነበረ በጻብዕታ ደም ቲፍቲፍ ይብል ነይሩ። ኣብ ርእሲኡ ውላዳ ከተጥቡ ስለዘይፈቕዱላ ዝነበሩ ብቓንዛ ናይ ኣጥባታን በቲ ብመቑሕ ዝተኣስረን አእዳዋ ኣዝያ ትሳቀ ነይራ። እተን ምስአ ዝነበራ ደቂኣንስትዮ ንኸይሕግዝአ ስለዘፈራርህወን ክገብርኦ ዝኽእላ ነገር ኣይነበረን“።
ሓንቲ ካልእ ብምኽንያት ካብ ኣገልግሎት ዝሃደሙ ደቃ ዝተአስረት ኣደ „ንኽልተ ሰሙናት ተአሲረ ክልተ ግዜ ድማ ብአማሓዳሪ ናይቲ ቦታ ተዕሚጸ። ብሰንኪ ፍርሂ ግን ከምዚተዕመጽኩ ኣይነገርኩን“ ትብል።
ነዚ እዩ ኣብ አርትራ ፍርሒ እምበር ሕጊ ኣይኮነን ነጊሱ ዘሎ ዝተባህለ።
ብመንጽር እዚ ስርዓት ኢሳያስ አፈወርቂ ብሃማድኤ ኣቢሉ ዓሚ ናብ CEDAW/UN ኣብ ዘመሓላለፎ ጸብጻብ „ኣብ ኤርትራ ጾታዊ ዓመጻ የለን“ ዝብል ኢዩ ነይሩ። መሰል ጓልኣንስተይቲ ኣይንታዩን ሲለዚኾነ። ዓመጻ ቑሒምካ ትም በል ዚብል ስርዓት ስለዚኾነ። ወልቀመለኽቲ ንደቂኣንስትዮ ከም መሳርሒ (Object) ኢዮም ዝሪኡወን።
ስርዕተ ኢሳያስ እፈወርቂ ምሕደራ ሃገርን ህዝብን እንዋስአሉ: ክእለትናን ዕቕምናን ንምዕብልናን ሃገርናን ነበርክተሉ ግዜ ዘባኾረ ብኽብረትናን መንነትናን ዝተጣልዔ ህይወትና ብሰላም ንመርሓሉ መዋእል ዝሰረቐ ስርዓት ኢዩ።
በዚ ኣንጻር ክርኤ እንከሎ ካልኦት ናይ ኣፍሪቃ ሃገራት ኣብ ቁጠባዊ ማሕበራዊ ፖለቲካዊ ምዕብልናታት ይኹን ኣብ ሱታፌ ደቂኣንስትዮ ብዝምልከት ገዲፈናና ኢየን ንቕድሚት ዝውንጨፋ ዘለዋ። ንኹነታት ደቂኣንስትዮ ብዝምልከት 30-40% ቦትኤን ኣብ ፓርላማ ትሑዝ ኮይኑ ኣገዳሲ ናይ ሚኒስተር ቦታታት ክሕዛ በቒዒን ኣለዋ። ናይ ኬንያን ሶማልያን ናይ ወጻኤ ጉዳይ ሚኒስተራት ደቂኣንስትዮ ኢየን። ኣብ ሶማልያ ንዝመጽእ ዓመት ንፕረሲደንታዊ ምርጫ ነብሳ ሓጺያ ዘላ ፋዱማ ዳዪብ ኢያ።
ንሕና ኣብ ደምበ ፍትሒኸ ከመይ ኣለና? ካብ ዓሚ ሎምዘመን ንሓይሽ። ኣብ መብዝሕትኡ ተበግሶታት ተጸዊዔን ዶ እዘን ኣሓትና ተባሂሉ ይሕተት ኣሎ። ቁጽሪ ተሳተፍቲ ደቂኣንስትዮ ኣብ ዝኸድካዮ ይልለ ኣሎ። EPDP ሎሚ ኣብ መደብኩም ብዛዕባ ሱታፌ ደቂኣንስትዮ ከም ኣርእስቲ ምስፋርኩም ዝናኣ ኢዩ።
ብወገንና ኣብዚ ዓመት በዓቕምና ንኩነታት ኤርትራን ኩነታት ደቂ ኣንስትዮ ኤርትራውያን ኣብ ምቅላሕን ደቂኣንስትዮ ንምርግጋጽ መሰለን ኪብገሳ ከነተባብዕ ኸሪምና። ካልኣይ ሲምፖዝዩም ኣብ ፍራንክፉርት ኣብ መጋቢት ናይዚ ዓመት ኣባላት ናይ ተበግሶ ማሕበር ደቂኣንስትዮ ኤርትራ ኣብ ጀርመንን ነጻ ማሕበር ደቂኣንስትዮ ንዲሞክራስን ሰላምን ዚተሳተፍኦ ጽቡቅ ናይ ምርድዳእ መንፈስ ዝዓሰሎ ሰፊሕ ምይይጥ ኣካይድና። ኣወሃሃዲት ኮሚተ መሪጽና። ገላ ክፋል ናቱ ብራድዮ መድረኽ ተዘርጊሑ ናይሩ። ኣባላት ናይዘን ሰለስተ ማሕበራት ኣቀዲምና ብሓባር 8 ማጋቢት ኣብ ፍራንክፉርት ኣብዒልናዮ።እዚ ኩሉ ግን ገና መባኢታዊ ኢዩ።
ንደምበ ፍትሒ ዝጽበየና ዘሎ ብድሆታት ገና ኣይነከየን። ዋሕዚ ስደት አርትራውያን ኣባና ጥራሕ ዘይኮነስ ኣብ ኩሉ ማእኸናት ዜና ብፍላይ ድማ ኣብ አውሮጳ ኣሪእስቲ ኮይኑ ኣሎ።
ጸብጻብ መርማሪት ኮምሽን ሰብኣዊ መሰላት ኤርትራ ንኽውንነትና ብጥርኑፍ ዝገልጽ ናይ መወከሲ ሰነድ ኢዩ። እዚ ግን ንዋንነት ናይ ጉዳይና መተካአታ ኣይኮነን። መመላእታ ጥራይ ኢዩ።
እቲ በብጉጅለኻ በበይንኻ ዝግበር ተበግሶታትን ስርሒታትን ናብ ተጠርኒፍካ ስርሓትካ አተወሃህደሉ ክሰጋገር ይድለ ኣሎ። ዘሎና ምንጭታት ግዜን ብግቡእ ክንትቀመሉ፣ ካብ ተደጋጋምነትን ምስሉይ ውድድራትን ንኽንወጽእ ደምበ ፍትሒ ዚመርሖ ኣካል የድልዮ ኣሎ። ናይ ሚልዮናት ድሌትን ባህግን ዘንጸባርቕ ዝጠምር መሪሕነት። ሓደ ካብቲ ፍሽለት ኣመራርሓ ኢሳያስ ኣፈወርቂ ንዑኡ ዝትክእ መራሒ ዝሊለየሉ ኩነት ዘይምፍጣሩ ኢዩ። ስለዚ እቲ ሓላፍነት ናባና ናይ ኩልና ኢዩ። ኤርትራ ዋሕዲ ክኢላታትን ሰብ ደለይቲ ፍትሕን ኣይኮነን እቲ ጸገማ። ብዘይ ኣማእካሊ መሪሕነት ኣብ ንበጽሖ የብልናን። ወሃብቲ ዕድልን ተጠቀምቲ ዕድልን ንኹን። ከይተጸባጸብና። እቲ ኣብ መእተዊ ዘንበብኩልኩም ዓመጻ ከይድገም ምእንቲ።
ኣብ ውሽጢ ኤርትራ ዘሎ ህዝብና ናይ ተስፋ ንፋስ ከነስንቖ እንተኾይንና ነዛ ቀሪብኩማ ዘለኹም ጭርሖ „ዘተ ብዘይ ቅድመኩነት“ ተግባራዊት ንግበራ፣ ትማሊ፣ ሎሚ። ጩራ ናታ ኣብ ጀነቫ ሪኢናያ ኢና።
ዕዉት ኮንፈረንስ ይምነየልኩም።
የቀንየለይ።
ዜና ካብ ቤት ጽሕፈት ጉዳያት መንእሰያት ሰልፊ ደሞክራሲ ህዝቢ ኤርትራ
Written by ቤት ጽሕፈት ጉዳያት መንእሰያት ሰልፊ ዲሞክራሲ ኤርትራ
ቤት ጽሕፈት ጉዳያት መንእሰያት ሰልፊ ደሞክራሲ ህዝቢ ኤርትራ ድሕሪ ዕዉት 2ይ ጉባኤ ሰልፍን ፈስቲቫል 2015 ብዕለት 11 09 2015 ዕዉት ኣኼባ ኣካይዱ። ኣብዚ ናይ ድሕሪ 2ይ ጉባኤ ፈላሚ ዝኾነ ኣኼባ እቶም ካብ ምስረታ ናይዚ ሰልፊዚ ኣትሒዞም ኣብ ዝተፈላለየ ሰልፋዊ ጽፍሕታት ኣብ መንእሰያዊ ጉዳያት ተመዚዞም ክሰርሑ ዝጸንሑን ዘለዎን ካድራት ሰልፊ ተረኺቦም ነይሮም። ንሳቶም ካብ ሃብታም ተመኩሮኦምን ዓሚቍ ትዕዝብትታቶምን መጽናዕቶምን ነቂሎም ንገዚፍ ብኵራት ኤርትራዊ መንእሰይ ሃገርን ህዝብን ንምድሓን ኣብ ዝግበር ሃገራዊ ቃልሲ ምኽኑይ ከምዝኾነ ይገልጹ። ንሳቶም ናይ ሎሚ ኤርትራዊ መንእሰይ ብሓደ ወገን ኣብ ሃገሩ ብስርዓት ህግደፍ ኣገልጋሊ ናይ ስሱዕ ውልቃዊ መደባቱ ክኸውን ተፈሪዱ ካብ መኣዲ ተምህርትን ንቅሓትን ዝተኾልፈ፣ ብወለዱን ብኸባቢኡን እውን እንተኾነ እንተስ ካብ ፍርሒ እንተስ ካብ የዋህነት ተማእዛዚ ናይ ዝኾነ መርሕነትን ስልጣንን ክኸውን ዝተመልመለ፣ ካብዚ ጸቅጥታትዚ ፈንጺጉ ብምምላጥ ኣብ ዓዲ ጓና ህይወት ክምስርት ንስደት ኣብ ዘምርሓሉ እዋን እውን እንተኾነ ኣብ ጉዕዞ ስደቱ ኮነ ኣብ ዕቁባ ዝሓተተሉ ሃገርን ቦታን ንኤርትራውነቱ ዘጽልእ ልዕሊ ዓቅሙ ዝኾነ ጸገማት ዘይተጋደፎ፣ ኣብ ከርፋሕ ናብራን ከርተትን ዝርከብ፣ በቲ ሓደ ወገን ድማ ብዛዕባ ደምበ ደለይቲ ፍትሒ ኮነ ብዛዕባ ፖለቲካውያን ውድባትን ሰልፍታትን እኹል ኣፍልጦ ዘይብሉ፣ ቁልሕ ኢሉ ኣብ ዝጠመተሉ እዋን እውን ኣንተኾነ ካብ ደምበ ተቃውሞ ኣብ ክንዲ ሓያል ሃገራውነትን ንቅድሚት ዝግስግስ ቃልስን፣ ኣብ ምግምማዕን ምጉጅጃልን ኣድሂቡ ዝደኸመ ሓይልታት ብምርኣይ ዝሰምበደን እዩ ብምባል ይገልጽዎ።
ካብዚ ተረድኦዚ ተበጊሶም እውን፣ ናይ ሎሚ ኤርትራዊ መንእሰይ ሃገራውነት ዝጎደሎ፣ ስሱዕን ፈታው ነፍሱን እዩ ዝብል ናይ ፖለቲካዊ ህርፋን ድምጺ ተወጊዱ፣ ንመንእሰይ ኩነታቱ ብግቡእ ምርዳእን፣ ዓቕሚ ዘፍቅዶ ሓገዝ ምግባርን ከምዘድሊ፣ ክንዲ ፍረ ኣድር'ውን ትኹን ዕድል ኣብ ዝረኸበሉ ግዜ ግን ኤርትራዊ መንእሰይ ብናይ ዓዲ ጓና ናብራ ከምዘይታለልን ኣብ ሃገራውነቱ ከምዘይዝሕትልን ምእማን የድሊ፣ ይብሉ አቶም ምኩራት ካድረታት ሰልፊ። ንሳ'ቶም ብተወሳኺ ደምበ ተቃውሞ ብሓፈሻ ሰልፊ ዲሞክራሲ ህዝቢ ኤርትራ ድማ ብፍላይ ንመእሰያት ኣብ ምሕጋዝን፣ ምምልማልን ዝግበር ጻዕሪ ካብ ዝጸንሐ ዝዛየደን ዝተመሓየሽን ክኸውን ከምዘለዉ የተሓሳስቡ።
ተሳተፍቲ ኣኼባ ቀጺሎም ብዛዕባ ቤት ጽሕፈት ጉዳያት መንእሰያት ክሕይልን ከድመዓሉን ዝኽእል መዳያትን ኣብ'ዚ ቀዳማይይ ናይ ድሕሪ ጉባኤ ዓመቱ ክዓሞም ብዛዕባ ዘለዎም መደባት ዘትዮም፣ ሓያለይ ሓጋዚ ሓሳባት እውን ኣበርኪቶም።
ዓወት ንዲሞራስያዊ ቃልስና!
ዘላዕለማዊ ክብርን ሞገስን ንስዉኣትና!
ቤት ጽሕፈት ጉዳያት መንእሰያት ሰልፊ ዲሞክራሲ ኤርትራ
Youthful Kubrom Talks to His Generation about 2nd EPDP Congress
Written by EPDP Information Office
"we usually hear many Eritreans saying that the young generation is tomorrow's successor of the elder generation. But I say no. It is not tomorrow or the day after that we wait to receive the torch of succession from the older generation. It is today and now that we take it". Kubrom Andom
Youthful Kubrom Andom was one of the young party members from Germany who represented his branch at the Second Congress of the Eritrean People's Democratic Party (EPDP) that was finalized on 30 July, 2015, at Wiesbaden, Germany. On 6 September 2015, his Frankfurt branch held its regular meeting at which he briefed meeting participants about the congress, what he learned from it and what his generation should do at this moment in time.
He told the Sunday meeting that the EPDP congress was a great learning process to him and that he really understood what democracy means in practice: "You can disagree, and say whatever you think and feel but at the end, you agree to abide by what the majority agrees".
He went on: "we usually hear many Eritreans saying that the young generation is tomorrow's successor of the elder generation. But I say no. It is not tomorrow or the day after that we wait to receive the torch of succession from the older generation. It is today and now that we take it".
In his forceful message at the branch meeting, young Kubrom also urged those supporters of the repressive regime who have been hostages of their small investments and purchase of government bonds to forget about their past mistakes and join their compatriots in removing the regime through People Power.
Other than Kubrom's motivational speech, Mr Negusse Tseggai and Ms Feven Ghideon, both newly members of the EPDP Central Council, also made presentations at the branch meeting.
Mr. Negusse Tseggai explained in great detail about the outcome of the Second EPDP Congress, including the important resolutions that can guide Kubrom and his generation to take over the mandate and responsibility of the struggle from the older generation. He also clarified why the congress what held in two different places and importance for justice seekers to be everywhere possible to strengthen their struggle against the dictatorship in Eritrea.
On her part, Ms Feven Ghideon talked about the Eritrea Festival that was held in Frankfurt soon after the congress and expressed her commendation of the role young party members played in making this year's festival a great success. She also read the list of names of the young party members who played key roles in the festival.
ዜናዊ ጸብጻብ ኣኼባ ጨንፈር ሰልፊ ዲሞክራሲ ህዝቢ ኤርትራ
Written by ወኪል ቤት ጽሕፈት ዜና ፍራንክፈርት
"ናይ ጽባሕ ዘይኰናስ፡ ናይ ሎሚ፣ ናይ ሕጂ ተረከብቲ ሕድሪ ክንከውን ኣለና"
ቃል ክብሮም ዓንዶም
ክብሮም ዓንዶም ሓደ ካብቶም ብዕድመ ዝናኣሱ ኣብቲ ብዕለት 30 ሓምለ 2015 ዝተሰላሰለ ካልኣይ ጉባኤ ሰልፊ ዲሞክራሲ ህዝቢ ኤርትራ ብጨንፈር ተወኪሎም ዝተሳተፉ ኣባላት ሓደ እዩ። ንዝወከለቶ ጨንፈር ተመሊሱ እንታይ ከምዝተገብረን ከምዝተኻየደን ክሕብር ንቡር ስለዝኾነ፡ ነቲ ኣብ ካልኣይ ጉባኤ ሰዲህኤ ዝተገንዘቦ ናይ ሓሙሽተ ማዓልታት መስርሕ ኣብ ኣኼባ ጨንፈር ናይ ዕለት 06.09.2015 ክገልጽ እንከሎ፡ "ኣነ ኣብቲ ጉባኤ ምስታፈይ ዕድለኛ እየ፡ ካብ ኣቦታተይን ኣዴታተይን ዓበይቲ ኣሕዋትን ኣሓትን ብዙሕ ተማሂረ፡ ንዓይ እቲ ጉባኤ ቤት ትምህርቲ እዩ ኰይኑኒ ቀንዩ። ብዙሕ፡ ብዙሕ ዘይፈልጦን ንምርዳኡ ዘጸግመኒ ዝነበረ ነገራትን ክፈልጥ ክኢለ። ተዛሪብካ፡ ተዛሪብካ ኣብ ሕደ መደምደምታ ክትበጽሕ እንከለኻ፡ እታ ዲሞክራሲ ሽዑ ኢኻ ትርእያ። እቲ ዝዓበየ ሽግር ናይ ህዝብና ድማ ከምኡ ዝኣመሰለ ጉዳያቱ ኣልዒሉ ድላዩ ክዛረበሉ ዝኽእል ዕድል ዘይምርካቡ እዩ። እቶም ኣብ ቃልሲ ዝጸንሑ ኣብዚ ኣብጺሖምና እዮም፡ ምሳና ድማ ከርተት ይብሉ ኣለዉ። ሕጂ ንሕና ከም መንእሰያት እንታይ ንግበር ኢዩ እቲ ዘረባ።
ኣነ ብርእይቶይ ህዝብና ካብዚ ኣትይዎ ዘሎ መከራ ከነድሕኖ እንተዀና፡ ናትና ግደን ሓላፍነትን ከነርኢ ኣለና። እቲ ኣፍ ደገ ተኸፊቱልና ኣሎ፡ ንጠቐመሉ፡ ብዙሓት ሰባት መንእሰይ ናይ ጽባሕ ተረካቢ ሕድሪ እዩ እዮም ዝብሉ፡ ኣነ ግን ነዛ ዘረባ እዚኣ ኣይሳማማዓላን እየ። መንእሰይ ናይ ጽባሕ ተረካቢ ሕድሪ ዘይኰነስ፡ ናይ ሎሚ፡ ናይ ሕጂ ተረካቢ ሕድሪ ክኸውን ኣለዎ ዝብል እምነት እዩ ዘለኒ። ህዝብና ሎሚ/ሕጂ እንዳጠፋኤስ፣ ንጽባሕ ክንጽበ።ነዚ ንኽንገብር ግን፡ ነቲ ተዋሂቡና ዘሎ ዕድል ንጠቐመሉ። ኣኼባና ኣብ ወርሒ ሓደ ግዜ ዘይኮነስ፡ ንምንታይ ከ ክልተ ግዜ ዘይንገብሮ፡ ክሕብሩናን ክምህሩናን ዝኽእሉ ምሳና ኣለዉ። ፍሉይ ናይ በይንና መንእሰያት ኣኼባ እውን ክንገብር ዝኽልክለና የለን። ሰልፊ ዲሞክራሲ ህዝቢ ኤርትራ ቤት ጽሕፈት ናይ መንእሰያት ገይሩ ኣሎ። ነዚ ዕድልዚ ንጠቐመሉ። ሎሚ ኣብ ስደት ዘስግእ ነገር የብልናን። እቶም ኩሉ እንዳፈለጡ ፈሪሖም ዝኸዱ ዘለዉ፡ እቶም ሰዓብቲ ናይ ህግዲፍ እዮም፡ ድሕሪ ምባሉ፡ ምስ ሓደ ብቦንድ ገዛ ዝሰረተ ግን ከኣ፡ ክሳብ ለይተ ሎሚ ዘይተወዳኤትንዘይረኸባን ኤርትራዊ፡ዝገበርዎዕላል፡ 'ንፈልጥ እንዲና፡ እንታይ እሞ ክንገብር ኢልካና'፡ ክብል ከምዝደምደመ ምስ ሓበረ፡ ኣኼበኛ ይስሕቕ። ቀጺሉ፡ "ተመልከቱ፡ እዚ እዩ እቲ ዓቢ ጸገም ኰይኑና ዘሎ፡ ሽግር ናይ ኤርትራ ህግዲፍ ምዃኑ ዘይፈልጥ ሰብ የለን። ግን ክገብሩ ዘይኽእሉ ምዃኖም ባዕላቶም ይነግሩና ኣለዉ። ስለዚ ንሕና ንበገስ፡ ዝካኣለና ንግበር። ሰብና እንደፈለጠ ስለዘጽቐጠ እዩ ኢሳያስ ኣብ ስልጣን ዝነብር ዘሎ። ክብዚ ንላዕሊ ከይነውሕ ኩልና ግዴና ክንገብር ኣለና" ክብል መግለጺኡ ደምደመ።
ስዒቡ ሓው ንጉሰ ጸጋይ ብዛዕባ ካልኣይ ጉባኤ ሰዲህኤ መብርሂ ንኸቕርብ መሪሕነት ጨንፈር ብዝተዋሃቦ ዕድል መሰረት፣ ኣብ ዘቕረቦ ሓበሬታዊ መግለጺ፡ "ብመጀመርታ እቲ ጉባኤ ብኲነታትና መሰረት ኣብ ክልተ ቦታታትን ኣብዝተፈላለየ ግዜን ዝተሰላሰለ ምንባሩ፡ ኣድላይነት ናይ ጉባኤን ትጽቢታቱን፡ ጉባኤ ኣብ ውሽጢ ኣርባዕተ ዓመታት ዝተፈጸመን ዘይተፈጸመን ዓውደ ስራሓት እትግምግመሉ፡ ዝጸንሐ ሽግራትካ ፍታሓት እትእምተሉን፡ ኣብ ሓድ ግዜ መዓልቦ ክትገብረሎም ዘይትኽእል ዛዕባታት፣ ግዜ ከምዝወስዱን ፍሉያት ሰባት መዚዝካ ፍታሓት እተቕርበሉን ኣብርእሲ ምዃኑ፡ ምስግጋር ስልጣን ካብዝጸንሐ መሪሕነት ናብ ሕድሽ ዝተመርጸ መሪሕነት ዝኽተሎ ዲሞክራስያዊ ኣገባብን፡ ኣብ ካልኣይ ጉባኤ ዝጸደቑ ሰነዳት፡ ብፍላይ ድማ ኣገዳስነት ቅዋምን ኣብ ሰልፊ ብኸመይ ይስራሓሉን ኣድላይነቱን፡ ኤርትራና ድማ ብቕዋም ዝሰርሕ ስርዓት ብዘይምቋማ እዩ፡ ብመዘወር ናይ ሓደ ሰብ ናብ ናይ ጥፍኣት ጐደና ተሸሚማ ምህላዋ ኣዛሚዱ ሰፊሕ መብርሂ ኣቕሪቡ።
ምናልባሽ እቲ ሓደ ክፋል ናይ ጉባኤና ኣብ ኢትዮጵያ ብምክያዱ፡ ቅሬታታት ዝስምዖም ኤርትራውያን ክህልዉ ይኽእሉ እዮም። ብሰሪ ከምዚ ዝኣመሰለ ግንዛበ ንኹሉ ኣብ ኢትዮጵያ ዝግበር ምንቅስቓስ ናይ ኤርትራውያን ብኣልማማ ዝጻብኡ ሰባት ምህላዎን፡ እንታይን ብኸመይን ትሰርሕ እንተዘይኰይኑ፤ ዕድል ምስዝርከብ ተቃወምቲ ፖለቲካውያን ሓይልታት፣ ኤርትራዊ ኣብዝርከቦ ሃገርን ዓድን ክሰርሓን ክንቀሳቐሳን ከምዝግባእ፡ ሰልፍና ድማ ምስ መንግስቲ ኢትዮጵያ ዘለዎ ርኽክብ ኣጸቢቑ ዝፈልጥን፡ ፈላልዩ ዝርእን ስለዝኾነ ኣይንሽገረሉን ኢና። ብድልየትና እንተዝኸውን ድማ ጉባኤና ኣብ ሃገርና ክኸውን ምመረጽና፡ ነዚ ንምርግጋጽ እዩ ድማ ቃልስና፡ እዚ ዕድልዚ ነይሩ እንተዝኸውን ህዝብና ኣይምስተበታተነን ነይሩ። ፕሮፖጋንዳ ናይ ህግዲፍ ከድማዓልና ኣይግባኣን። ኣብ መንጎ መንግስታት ዘሎ ክርክርን ህልኽን፡ ኣብ መንጎ ዶባውን ኣህዛብ ክልቲኣኡ ሃገራት ዘሎ ዝምድናታትን ሕጋዊ መስርሓትን ፈላሊና ክንፈልጦን ክንሕዞን ይግባኣና።
እቲ ኣብ መጠረስታ ዝስራዕ ዛዕባ ናይ ጉባኤ ድማ፡ መረጻ ሓድሽ መሪሕነት ኰይኑ፡ ንጉሰ፡ "ንጉባኤን ኣብ ጉባኤን ኩሉ ኣባል ሰልፊ ይመርጽ ኣምበር፡ ኩሉ ኣይምረጽን እዩ" ድሕሪ ምባሉ፡ ንመረዳኣታ እዚ ጨንፈርዚ ወከልቱ መሪጹ ኣብ ጉባኤ ተሳቲፎም፡ ዝወከሎም ተሳተፍቲ ጉባኤ ድማ ንመሪሕነት ሰልፊ መሪጾም፡ በዚ መሰረት ኣብ መረጻ መሪሕነት ኩልና ተሳቲፍና ኢና። እቶም ዝተመርጹ ግን 33 ቀወምቲ ኣባላትን 4 ተጠባበቕትን ኣባላት ማኣከላይ ባይቶን እዮም። ስለዚ ድማ እዩ ኣብ ሓደ ሰልፊ ኮነ ሃገር ኩሉ ንይሕሸነ እዩ ዝብሎ መራጺ እምበር ተመራጺ ክኸውን ኣይኽልን እዩ ዘበለኒ። ኣብዚ ከምዚ ዝኣመሰለ መስርሕ ዘይንፈትዎምን ዘይንደልዮምን ሰባት ክምረጹ ይኽእሉ እዮም። ግን ናይ ምድላይን ዘይምድላይ ጉዳይ ኣይኰነን፡ ናይ ዲሞክራሲ ጉዳይ እዩ፡ ዲሞክራሲ መራር እያ፡ ዘይተጸበኻዮን ዘይሐሰብካዮን እውን ይፍጸም እዩ። ግን ድልየታትካን ትጽቢታትካን ንምውዕዋት ምስ ኩሉ ምረታ ክትውሕጣ እዩ ዝግባእ። ንፍትሕን ንዲሞክራስን ዝቃለስ ድማ፡ ዲሞክራሲ ዝሃበቶ ክሳብ መዓልቱ ክቕበላን ተሰኪምዋ ክኸይድን እዩ ዝግባእ። ኣብ ኤርትራ እዚኣ ስለዝሳኣናያ ኢና ንበታተን ዘለና። ኩልና ከም ኣገባብ ዘይመረጽናዮ ሰብ ክመርሓና ከነፍቅድ የብልናን። ይሕመቕ ይንፋዕ ብዘየገድስ መራሒና ባዕልና ብድምጽና ከነምጻኦ ኣለና። ድምጽና ንዘይሃብናዮ መራሒ ክንቕበል ኣይግባኣን እዩ። ዝመረጽናዮ መራሒ እንተሓሚቑ፡ በታ ዝመጸላ ኣገባብ ከነልዕሎ ይቐለልና፡ እንተነፊዑ ድማ ክንድግፎ ይድለ። ኣብ መጠረስታ ናይዚ ሓላፍነት ዝስከም መንእሰይና እዩ፡ ከመይ ትገብሩ ክብሮም ነጊሩና ኣሎ፡ ብናይ ሎሚ ሕሰም ንዝተኸፍለ መስዋእትን ባና መስከረም ዘዕወቶ ላኣላውነት ሃገርናን ኣብ ዋጋ ዕዳጋን ጣዕሳን ክነኣቱ የብልናን። ንሕሰም ናብ ራሕዋ፡ ንዲክታቶርነት ናብ ዲሞክራስያን ቅዋማዊ ምሕደራን ክንቅይር ከይተሓለልና ክንቃኣለስ ይግባኣ" ክብል መግለጺኡ ደምደመ።
ኣብ መጠረስታ ናይቲ ኣኼባ፡ ፈቨን ግደዎን ነቶም ኣብ ፈስቲቫል ፍራንክፎርት 2015 ኩለንተናዊ ሓገዛቶም ዘበርከቱ መንእሰያት ኣባላት ኣስማት ብምሕባር፡ ንዘርኣይዎ ተገዳስነትን ሞያን ኣመጒሳ፡ ምምሕዳራዊ ጉዳያት ብምሕባር ኣኼባ ብዝኽሪ ስዉኣት ተደምዲሙ።
07.09.2015
ኣብ ፍራንክፎርትን ከባቢኡን ዝርከብ ጨንፈር ሰልፊ ዲሞክራሲ ህዝቢ ኤርትራ ኣብ መስከረም 06.2015 ኣብ ከተማ ፍራንክፎርት ስሩዕ ኣኼባኡ ኣካይዱ። እቲ ኣኼባ፡ ሰልፊ ዲሞክራሲ ህዝቢ ኤርትራ ኣብ ምስልሳሎም ሒዝዎም ብዝጽንሐ፡ ካልኣይ ጉባኤ ሰልፍን ፈስቲቫል 2015 ናይ ሓደ ወርሒ ምስግጋር ስለዝነበሮ ድማ ሓያሎይ ክካተቱ ዝነበሮም መደባት ሒዙ ምውዓሉ ይፍለጥ።
ኣኼባ ብሰናይ ትምኒትን ሰላምታን ወይዘሮ ፈቨን ጊደዎን ሓላፊት ስርርዕ ጨንፈርን ኣባል ማእከላይ ባይቶን ድሕሪ ምጅማር፡ ነቲ ኣኼባ ተታሒዙ ዝነበረ ዛዕባታት እውን ሓደ ብሓደ ሓቢራ፡ ማዕረቲ ኣገዳስነት ናይቲ ትሕዝቶ ተሳተፍቲ ኣኼባ ብጽሞና ክከታተልዎ ከምዝግባኣ ድማ ኣዘኻኺራ።
ቅንያቱ ጽባሕ ሓደ መስከረም ብምንባሩ ከኣ፡ ኣቲ ቀዳማይ መዘራረቢ ኣኼባ ጨንፈር፡ ብሰልፊ ዲሞክራሲ ህዝቢ ኤርትራ ዝቐረበ መገለጺ መበል 54 ዓመት ምጅማር ብረታዊ ተጋድሎ ህዝቢ ኤርትራ ሓደ መስከረምን፡ ብዕለት 03.09.2015 ዝወጸ መግለጺ ማእከላይ ባይቶን እዩ ብሰፊሑ ተዘሪብሉ።
ስዒበ ዝቐረበ ዛዕባታት ንካልኣይ ጉባኤ ሰልፊ ዲሞክራሲ ህዝቢ ኤርትራን ሰፊሕ በዓል ፍራንክፎርት 2015ን ውጻኢቱን ዘጠቓለለ ኰይኑ፡ ሓደ ካብቶም ብዕድመ ዝናኣሱ ኣብ ጉባኤ ዝተሳተፉ ኣባላት ኰይኑ፡ ሰፊሕ ልቦናን ራኢ ናይ ቃልስን ዝውንን ሓው ክብሮም ዓንዶም ተሓዝ ገንዘብ ጨንፈር፡ ኣብ ጉባኤ ዘጥረዮ ጠቡላሕታን ንግደ መንእሰይ ኣብዚ መድረኽ እዚ ኣመልኪቱ ዘቕረቦ መግለጺ ኣብዝጽዕብ ሪፖርት ክቐርብ እዩ።
More...
البيان الختامي للاجتماع الدوري الأول للمجلس المركزي
Written by المجلس المركزي لحزب الشعب الديمقراطي الارتري
فور انتخابه بواسطة المؤتمر الثاني الذي أنهى أعماله في الثلاثين من يوليو 2015م، أنهى المجلس المركزي لحزب الشعب الديمقراطي الارتري دورة اجتماعاته الدورية الأولى بعد سلسلة من الاجتماعات المتتالية ناقش خلالها عدداً كبيراً من القضايا الراهنة، فبجانب الدائرة الواسعة من الموضوعات التي تناولها المؤتمر ناقش الاجتماع مختلف التطورات علي صعيد الوطن والمنطقة وتوصل الي أن ما تمر به بلادنا ارتريا اليوم في ظل نظام طغمة الهقدف الدكتاتوري من أوضاع مزرية يستدعي تقديم حلٍّ عاجل لمعضلة بقاء البلاد وهي ترسف في قيود هذا النظام. هذا وقد أكد الاجتماع أن ما يزيد طين البلاد بلةً هو أن قوى التغيير لم تتأهل بعد لتكون علي مستوى الآمال والمسئوليات التي تطوقها بها الجماهير. وفي الوقت الذي ناشد فيه حزبنا تلك القوى أن ترتقي الي مجابهة التحدِّيات بتجميد خلافاتها والاتفاق علي برنامج الحد الأدنى، تعهد ببذل كل ما تتطلبه تلك المهمة الوطنية العاجلة، وبصفة خاصة رأى الاجتماع أن قضية معاناة الشباب الارتري داخل الوطن وفي المهجر وفي الطريق الي المهجر قضية تستحق البحث والحل بأسرع ما يمكن، لذلك يناشد الحزب الجهات المعنية أن تقدر ما دفع هؤلاء الشبان الي ترك وطنهم الحبيب من برنامج العبودية والسخرة القائم تحت غطاء (الخدمة الوطنية الالزامية) غير محدود المدة علي الرغم من طريق الهجرة المحفوف بأفتك المخاطر كالموت غرقاً في البحار أو عطشاً في القفار أو الوقوع فريسة سائغة في أيدي عصابات الاتجار بالبشر، وسوف يبذل الحزب كل ما في مستطاعه لمعالجة هذه المشكلة باعتبار أن الهجرة ليست الحل الأمثل والنهائي لمعاناة الشباب الارتري. أيضاً لن يدخر الحزب جهداً في تخفيف الأعباء والمصاعب المادية والمعنوية التي يواجهها لاجئو ارتريا في دول المنطقة كالسودان، اثيوبيا، جيبوتي واليمن.
وعن الأوضاع ببلادنا والمنطقة أكد حزبنا علي أن الحلول لن تتأتي إلا بتضافر جهود جميع قوى التغيير ومشاركتها في النضال من أجل الديمقراطية ولن يبخل حزبنا بشيء في رفد هذا المجهود، وناشد كل التنظيمات والأحزاب السياسية والمنظمات المدنية والشخصيات الوطنية المستقلة أن لا تدخر بدورها جهداً في المساهمة في هذا النضال ضد عقلية الهقدف الدكتاتورية. كذلك واستناداً الي الحقيقة التي أثبتت جدوى وفعالية النضال السلمي في تحقيق التغيير في أصقاع مختلفة من العالم يشد حزبنا من أزر نضالات شعبنا السلمية ويكثف جهده في عملية استنهاض الشعب بالداخل والخارج. وبنفس القدر يخاطب الحزب قوات الدفاع الارترية بضرورة الوقوف الي جانب حليفها الشعب وأن تكون درعاً للشعب والوطن لا حارسةً لنظام إسياس الدكتاتوري.
اجتماع المجلس المركزي وبحكم المسئولية التي قلدها له كلٌّ من المؤتمر ودستور الحزب انتخب من بين عضويته رئيساً يترأس كلاًّ من المجلس والمكتب التنفيذي بالإضافة الي أعضاء المكتب التنفيذي والمراجع العام للحزب. كما أجاز الاجتماع خطة عمل الحزب السنوية لهذا العام والمتضمنة إنفاذ قرارات المؤتمر وغيرها من قضايا الراهن.
في الختام أشاد الاجتماع بروح الإخلاص والتفاني التي يبديها الأعضاء دوماً في ضمان تمتين واستمرارية الحزب فضلاً عن إنجاح المؤتمر، كما أكد الاجتماع ثقة الحزب بقواعده في أن يكون كدأبه عوناً صادقاً في إنفاذ قرارات المؤتمر وخطط عمل المجلس.
المجلس المركزي لحزب الشعب الديمقراطي الارتري
3 سبتمبر 2015م
ብሓልዮት ቦሎኛ ፎረም ኣብ ኦክላንድ፥ ዕለት 28 ነሓሰ ዝተዳለወ መደብ ብሲቪካውን ሰብኣውን ጉዳያት ኤርትራ ዝግደሱ ተንቀሳቐስቲ፥ ዶክተር ርእሶም መስፍን፡ ኣሰናይ ሙሴን ተኽኣ ጸጋይን ካልኦትን ዝቐረበ ኣገዳሲ መደረን ምይይጥን ተኻይዱ።
ነሓሰ 29 ካብ ሰዓት 3 ክሳብ 10 ድሕሪ ቀትሪ መራሕትን ወከልትን ውድባትን በርገሳውያን ማሕበራትን ከምኡ'ውን ገዳይም ተቓለስትን ግዱሳት ኤርትራውያንን ዝተሳተፍዎ ኣኼባ ብመራሕ መደብ ሰለሙን ገብረየሱስ ተኸፊቱ ዝርዝር መደብ ድሕሪ ምቕራቡ፥ ኣስማቶም ብቕደም ተኸተል ቀሪቡ ዘሎ በብተራ መግለጽታቶም ኣቕሪቦም፥፥ ንሳቶም ድማ ፍስሃየ ሓጎስ፣ ደስበለ ካሕሳይ፣ ኤልሳ ጭሩም፣ ሳልሕ ቃዲ፣ ኣምባሳደር ዓንደብርሃን ወልደግዮርጊስ፣ ዶክተር በረኸት ሃብተስላሴ፣ ዶክተር ኣሰፋው ተኸስተ፣ ኑኑ ኪዳነ፣ ዮናስ ሓጎስ፣ ዳንኤል ገብረሚካኤልን ዊንታ የማነን እዮም።
መብዝሕትኦም መደርቲ ዓሚቝ ኣፍልጦን ተሞክሮን ሃገርና ዝወነኑ ስለ ዝዀኑ፣ ኣገዳስን መሳጥን ኣስተምህሮታትን ሓበሬታትን ኣቕሪቦም። ብህዝብን ሃገርን ዝግደስ ምይይጥ ገዳይምን መንእሰያትን ዝተሳተፍዎ፣ ምሉእ ምክብባር ዝሰፈኖ መዓልቲ ነይሩ።
ካብቲ ዝቐረበ ኣገዳሲ ኣስተምህሮ ንምጥቃስ፡ ህዝቢ ኤርትራ ንናጽነት ክቃለስ ከሎ ኣብ ዓወት ክበጽሕ ምዃኑ ስለዝኣመነ እዩ። ህዝቢ ዓለም ግን ክዕወቱ እዮም ኢሉ ይኣምን ኣይነበረን። ዘረጋገጽናዮ ዓወት ክቡር ዋጋ ኣሽሓት ሂወት ተኸፊሉዎ፡ ብኣበርክቶ ዕጡቓት ውድባትና ጀብሃ ሻዕብያን ኣብ ውሽጥን ኣብ ደገን ዝነብር ዝነበረ ህዝብናን፡ ኮታ ብሓጺሩ ብኣበርክቶ ሙሉእ ህዝቢ ኤርትራ ኣዩ። ናጽነትና ጸጋናን ሓበናን እዩ፡ ነዚ ሰይጣን ዝዀነ መላኺ ስርዓት ኣልጊስና ብቅዋም፣ ፍትሒ፣ ሰላምን ብልጽግናን ዘናብረና ስርዓት እንተኽለሉ እዋን ርሑቕ ኣይክኸውንን እዩ።
ተኻታተልቲ ገዛእቲ ዝፈጠሩልና ድሑር ፍልልያት ቀቢርና፣ ሓድነትና ኣደልዲልና ንመግዛእቲ ስዒርና ናጽነትና ጨቢጥና። ውልቀ-መላኺ ኢሳያስ ንዝቐበርናዮ ፍልልያት ፍሒሩ ኣውጺኡ፣ ዕምሪ ስልጣኑ ከናውሕ ይሰርሓሉ ኣሎ። ነዚ ብሓድነት ክንምክቶን ከነፍሽሎን ይድለ።
ኢሳያስ ነዚ ኵሉ ፍልልያት ፈጢሩ፣ ድሕሪ ውድቀቱ ዕግርግር ኣብ ህዝብና ንምውላዕ ዝዓለመ ሕሳባት እዩ። እዚ ከምቲ ኣድጊ ኢላቶ ዝበሃል “ድሕረይ ሳዕሪ ኣይትብቈላ” እዩ። ካብኡ ሓሊፉ’ውን ካብዚስ ኢሳያስ ምሓሸና ክበሃለሉ ስለዝሓልም እዩ።
ህዝብና ናጽነት ሃገሩ ከረጋግጽ ብጅግንነት ዝተቓለሰ፣ ምልኪ ኣልጊሱ ሓርነቱ ክለብስ ዝጽግሞ ኣይኰነን። እቲ ኣብዚ እዋን`ዚ ዝርአ ሸለልትነት ወይ ስለምንታይ’ዚ ህዝቢ ዘይለዓል ዝብል ሕቶ፣ ዘተኣማምኖ ውደባን ስኒትን ስለዘይርኣየ ጥራይ እዩ። ነዚ ፋሕ ኢሉ ዘሎ ሓይልታት ብሓድነትን ስኒትን ክብገስ እንተርእዩ ክለዓልን ክዓስልን ምዃኑ ዘጠራጥር ኣይኰነን።
ዶክተር በረኸት ምሉእ ዕድሜኡ ንቓልሲ ዝወፈየ ሓርበኛ ኤርትራዊ ብምዃኑ፣ ንኽብሩን ሞያኡን መዘከርታ ህያብ ብቦሎኛ ፎረም ተሸሊሙ። ብየማኑ ኣብ ስእሊ ዘሎ ፍስሃየ ሓጎስ ዮሃና እናበሎ ዝተላዕለ ስእሊ እዩ። ዶክተር በረኸት ንዝተዋህቦ ህያብ ብምምስጋን፡ “ኣነ ወዲ 83 ዓመት’የ፣ ኣብ ዕድመይ ናጽነት ኤርትራ ብምርኣየይ ከም ዓቢ ጸጋ እየ ዝቘጽሮ፡ ነዚ ጠላም ሰይጣናዊ ስርዓት ኣልጊስካ ቅዋማዊን ደሞክራስያውን ስርዓት ኣብ ምትካል ዝካየድ ቃልሲ ምሳኹም ኣለኹ፡ ንፍልልያት ኣመሓዲርና ለውጢ ከነምጽእ ይከኣል’ዩ። ኣነ ድማ ለውጢ ምስ ተረጋገጸ ኣብታ ዝዓበኹላ ዓደይ ኣባጊዕ ኣፍርየ ክነብር’የ ዝምነ፡” ኢሉ።
ደስበለ ካሕሳይ ንኣምር “ዘይጎነጻዊ ኣገባብ ቃልሲ” ዘዳለዎ መጽናዕቲ ተሞክሮታት ብሰላማዊ ኣገባብ ዝመርሑን ዝተዓወቱን መራሕቲ ጋንዲ፣ ዶክተር ማርቲን ሉተር ኪንግ፣ ኔልሶን ማንደላ ከምኡ’ውን ሓያለ ሃገራትን ከም ኣብነት ኣቕሪቡ ። እዚ ኣምር’ዚ ንኤርትራ ካብ መቝሕ ምልኪ ናብ ፍትሓውን ደሞክራስያውን ከሰጋግረና ዝኽእልን ዝምረጽን ኣገባብ ምዃኑ’ውን ኣስሚሩሉ።
ኤልሳ ጭሩም ብወገና ነቲ ሰብኣዊ ጥሕሰታት እናፈጸመ ንህዝብና ኣብ ኣደዳ ስደትን ህልቂትን ነቚትዎ ዘሎ ስርዓት ኢሳያስ፣ ብኮሚሽን ምጽራይ ገበናት ናይ ሕቡራት ሃገራት ክፍሊ ሰብኣዊ መሰላት ኣብ ልዕሊኡ ናይ ጭብጥታት ምእካብ ዝካየድ ዘሎ መስርሕ፣ ንሳን ትካላን ዝገብርዎ ምትሕብባርን ብዝርዝር ኣቕሪባ።
ኣቦ መንበር ስሙር ኤርትራዊ ማሕበር መንእሰያት ንለውጢ (EYSC) ስርዓት ኢሳያስ ኣብ ልዕሊ መንእሰያት ኤርትራውያን ዝፍጽሞ ኣካላውን ስነ-ኣእምራውን በደላት ብሰፊሕ ገሊጹ። ምንቅስቓሶም ምስ ኣብ ውሽጢ ኤርትራ ዘሎ ህዝብና ብ”ማዕበል 2015” ዝፍለጥ ዝካየድ ንጥፈታት ሓቢሩ።
ብኣባል ማእከላይ ባይቶ ሰልፊ ደሞክራሲ ህዝቢ ኤርትራ ናብ ኣኼባ ዝቐረበ ሙሉእ ትሕዝቶ ቃል ደገፍ ቀጺሉ እነሆ።
ክቡራትን ክቡራንን ኣዳለውቲ ዋዕላ ኦክላንድ፣ ኣካል ናይ ቦሎኛ 2015
ክቡራትን ክቡራንን መራሕትን ተወከልትን ተቓወምቲ ውድባትን ሲቪላውያን ማሕበራትን
ክቡራትን ክቡራንን ዕዱማት ኣጋይሽ
ኣቐዲመ ብስም ሰልፊ ዲሞክራሲ ህዝቢ ኤርትራን ብስመይን ኣብ ዋዕላ ኦክላንድ ንኽንሳተፍ ንዝተገብረልና ዕድመ ክብ ዝበለ ምስጋናይ አቕርበልኩም። ቀጺለ፡ ዕዉት፡ ስኒትን ሓጐስን ዝሰፈኖ ዋዕላ ክዀነልና ዘለኒ ልባዊ ትምኒት ድማ ክገልጸልኩም እፈቱ።
ካብ ዝተፈላለየ ቦታታት ተጓዒዝና ኣብዚ ተራኺብና እነካይዶ ዘለና ዋዕላ፡ ኩነታት ህዝብና ኣብ ትሕቲ ምልካዊ ስርዓት ህግደፍ ካብ ጊዜ ናብ ጊዜ እናኸፍአ ኣብ ዝኸደሉ፣ መንእሰያትና ዝፈትዉዋ ሃገሮም ዘይትንበር ረመጽ ኮይናቶም ናብ መውደቒኦም ዘይፈልጥሉ ጉዕዞ ብምጉዓዝ፤ ግዳይ ሞትን መከራን ኣብ ዝኾንሉ፣ ኣብ ሃገርናን ዞናናን ድማ፡ ዝተፈላለየ ሓደጋታት ኣብ ዘንጸላለወሉ እዋን እዩ ዝካየድ ዘሎ። ምስዚ፡ ስርዓት ህግደፍ ብዝኽተሎ ግጉይ ፖሊሲ ካብ ኣህጉራዊ ሕብረተሰብ ኣብ ፍጹም ተነጽሎ ኣብ ዝኣተወሉን ኮሚስዮን ሰብኣዊ መሰላት ሕቡራት ሃገራት ስርዓት ህግደፍ ኣብ ልዕሊ ህዝቡ ዝተፈላለየ ግፍዕታት ዝፍጽም ስርዓት ምዃኑ ዘረጋግጽ ሰፊሕ መጽናዕቲ ዘቕረበሉን እዋን'ውን ኢዩ። እዚ ጥራይ ዘይኰነ፡ ኣንጻር ሰብኣውነት ገበናት ዝፈጸመ ስርዓት ክኸውን ስለ ዝኽእል፡ ነቶም ፈጸምቱ ንምልላይ መርመራታት ክቕጽል ወሲኑ ኣሎ። ብኻልእ መዳይ ድማ፡ ኣብዚ ቀረባ እዋን ኣብ ሰሜን ኣፍሪቃን ማእከላይ ምብራቕን ኤርትራውያን ስደኛታት ኣብ ልዕሊ'ቲ ዘጋጥሞም ዘሎ ሓደጋታት ባሕርን ምድረበዳን ንጨካን ሽበራዊ ዓመጽ ምቅልዖምን ርድኡና ዝብል ኣውያቶም ኣብ ዘስምዕሉን ዘለዉ እዋን ዝካየድ ዘሎ ዋዕላ ስለዝዀነ ፍሉይን ከቢድን ሓላፍነት ኣለዎ።
ክቡራትን ክቡራንን፡
ንሰልፊ ዲሞክራሲ ህዝቢ ኤርትራ ወኪለ ኣብ ቅድሜኹም ቀሪበ ዘቕርቦ ቃል ብትሕዝትኡ ካብቲ ኣብ ዝሓለፈ ወርሒ ብ30 ሓምለ 2015 ዝተዛዘመ ዕዉት ጉባኤኡ ዘሕለፎ ፖሊቲካዊ ውሳኔታት ዘዳለኽዎ ኣገዳስን እዋናውን እዩ።
ካልኣይ ጉባኤ ሰልፊ፡ ካብ ህልው ኩነታት ሃገርናን ህዝብና ዝሓልፎ ዘሎ ሕሱም መነባብሮን፡ ከምኡ'ውን ካብ ኣህጉራውን ከባብያውን ምዕባሌታት ብምንቃል ሓያለይ ፖለቲካዊ ውሳኔታት ኣሕሊፉ ኣሎ።
ቀንዲ ነጥብታቱ ከኣ፡
1. ሉኣላውነት ኤርትራ፣
ናይቲ ኤርትራውያን ንነዊሕ ዓመታት ዝኸፈልዎን ጌና ዝኸፍልዎ ዘለዉን ረዚን ዋጋ ማእከላይ ዕላማ ልኡላዊት ኤርትራ ምዕቃብ እዩ። ኩሉ ኤርትራዊ ባህግታትን ድሌታትን ክረጋገጽ ዝኽእል ኣብ ልኡላውነታ ዘውሓሰት ኤርትራ ጥራይ ምዃኑ ሰልፍና ይኣምን። በዚ መሰረት ጉዳይ ልኡላውነት ወትሩ ዘይንዝንግዖ ኣጀንዳና እዩ። ናይ ኤርትራ ህልውናን ቀጻልነትን ካብ ዘውሕሱ ዓበይቲ ጉዳያት ሓደ ምዕቃብ ልኡላውነታ እዩ። ንኹሉቲ ስርዓት ህግደፍ ንክቱር ፍቕሪ ሃገር ህዝብና መዝሚዙ ዝወስዶ ካብ ልኡላውነት ሃገርና ፈሊኻ ዘይርአ ቀጻልነት ህዝብና ዝህድድ ኣተሓሕዛኡ ንኹንንኖ። ቀጻልነት ህዝብናን ምዕቃብ ልኡላውነት ሃገርናን ከም ናይ ሓደ ቅርሺ ክልተ ገጻት ብማዕረ እንሕልዎምን እንዕቅቦምን እምበር ፈላሊኻ ዘይረኣዩ ምዃኖም ከኣ ንኣምን።
2. ሰልፊ ዲሞክራሲ ህዝቢ ኤርትራ ንሃገራዊ ዕርቂ ኣብ መንጎ ኩሎም ክፍልታት ሕብረተሰብ ኤርትራ ዝኣምንን ዝቃለስን ሰልፊ ኢዩ። ኣብ መስርሕ ሃገራዊ ዕርቂ ብቐዳምነት ምልካዊ ስርዓት፡ ንምልጋስን ምቹእ ባይታ ሃገራዊ ዕርቂ ንምምድማድን፣ ኣብ መንጎ ኩሎም ፖለቲካዊ ሓይልታት ተቓውሞ፡ ዝሰመረ ስራሕ ንምስልሳልን ዝሰመረ ድምጺ ንምጕላሕን ካብ ዝዀነ እዋን ንላዕሊ ኣትክሮ ብምሃብ፡ ናብ ዘተ ክኣቱን ሓባራዊ ዕዮ ከዐውትን ብዅሉ ዓቕሙ ክቃለስ እዩ።
3. ኣብ ሓድነታዊ ጉዕዞ፡ ካዕባዊ ዘተታት ብምክያድ ኣብ ሓሳባውን ግብራውን መዳይ ዝተቐራረበ ኣረኣእያታት ክጥረ ኣብ ዝተኻእለሉ፡ ኣብ መስርሕ ምጽንባር ክኣቱ ከምዝኽእል ይኣምን። ዝተፈላለየ ኣርኣእያታት ምስ ዘለዎም ውድባት ድማ ኣብ ናይ ቀረባ ዕላማታት ዘቕንዐ ጽላል ወይ ምሕዝነት ክገብር ድልውነቱ የረጋግጽ።
4. ኣብ ኩሉ ኩርናዓት ዓለም ድምጺ ናይ'ቶም ጸረ ግፍዕታት ምልካዊ ስርዓት ህግደፍ ዝዀኑ ማሕበረ-ኮማት፡ ሲቪላውያን ማሕበራትን ተጣበቕቲ ሰብኣዊ መሰላትን ከጕልሕን ንዕዮታቶም ከተባብዕን ክተሓባበርን እዩ።
5. ተሳትፎ መንእስያትን ደቂ ኣንስትዮን ኣብ ቃልሲ ንምዕዛዝ ፍሉይ ኣትኩሮ ክህበንን ዘይሕለል ቃልሲ ከካይድን እዩ።
6 ኣብ ኣህጉራዊ መዳይ፡ ኤርትራውያን ደለይቲ ፍትሒ ምስ ኩሉ ክህልዎም ዝኽእል ናይ ፖለቲካ ፍልልያት፡ ኣንጻር ምልካዊ ስርዓት ዘቕንዐ ሓባራዊ ስርሓት ከካይዱ ከምዝኽእሉ ሰልፍና ይኣምን።
7 ዝምድናና ምስ ጐረባብቲ ሃገራት፡ ሰዲህኤ፡ ነቲ ኣብ ፖለቲካዊ መደብ ዕዮና “ምስ ኩለን ሃገራት፡ ኣብ ሕድሕድ ረብሓታት፡ ምክብባርን ጣልቃ ዘይምትእትታውን፡ ዓለም-ለኻዊ ውዕላት ምኽባርን ዝተሰረተ ዝምድናታት ምፍጣር።” ዝብል ዘስፍሮ ፖሊሲ መሰረት ብምግባር ብሓፈሻ ምስ ኩለን ጐረባብቲ ሃገራት፡ ብፍላይ ድማ ምስ ኢትዮጵያን ሱዳንን ዘለና ጉርብትናን ታሪኻውን ባህላውን ዝምድናን ምስቲ ኣቐዲሙ ዝተጠቕሰ ፖሊስና ብዘይጻረር መልክዑ ቀጻሊ ክኸውን እዩ። ምስዚ ብዝተተሓሓዘ ሰልፍና ካብዚ ዝምድናዚ ንዝረኽቦ ምትሕብባር ከም መሐየሊ ቃልሲ ክጥቀመሉ እዩ።
8 ሰልፊ ዲሞክራሲ ህዝቢ ኤርትራ ክኽተሎ ዝጸንሐን ዘሎን ሰላማዊ ዲሞክራስያዊ ኣገባብ ቃልሲ ዘላቒ ሰላም ኣብ ሃገርና ከውሕስ ዝኽእልን፡ ህሉው ኩነታት ሃገርናን ህዝብናን ዝጻወሮን ዝጠልቦን ብምዃኑ ሰልፊ ተኸቲልዎ ክኸይድ ዝግባእ ኣገባብ ቃልሲ ከምዝኾነ ጉባኤ ደጊሙ ኣረጋጊጹ። ኣብ ውሽጢ ኮነ ኣብ ግዳም/ዲያስፖራ ዝርከብ ህዝብና ዘካይዶ ዘሎ ምልዕዓላት እውን ነዚ ሓቂ'ዚ ከም ዘምልክት መዚኑ።
9 ህሉው መላኺ ስርዓት ኣልጊስካ ብቅዋማውን ዲሞክራስያውን ስርዓት ንምትካእ ብዘይ ሙሉእ ተሳትፎ ኣብ ውሽጢ ዝነብር ህዝብና ከምዘይረጋገጽ ብምእማን፤ ካልኣይ ጉባኤ ሰልፊ፡ ምልካዊ ስርዓት ብምልጋስ ዲሞክራስያዊ ስርዓት ንምህናጽ፡ ተራ ህዝብና ኣብ ውሽጢ ሃገር መሰረታዊ ምዃኑ ብምእማን ህዝባዊ ምልዕዓል ንክስስን ንውሽጢ ኤርትራ ዓቢ ጠመተ ዝገበረ ቃልሲ ክካየድ ከምዘለዎ ወሲኑ።
10 ሓይልታት ምኽልኻል ኤርትራ፣ ኣካል ናይ'ቲ ብጨቋኒ ስርዓት ዝሳቐ ዘሎ ሕብረተ-ሰብ ብምዃኑን፡ ከቢድ ጾር ተሰኪሙ ዝኸይድ ዘሎ ስለዝኾነን ኣብቲ ነዚ ጨቋኒ ስርዓት ኣልጊስካ ሰላምን ፍትሕን ብልጽግናን ንምርግጋጽ ዝካየድ ዘሎ ቃልሲ ሃገራዊ ግዲኡ ከበርክትን ህዝባዊ ሓላፍነቱ ክስከምን ጉባኤ ምሕጽንትኡ የቕርብ።
11. ኣህጉራዊ ሕብረተ-ሰብ፡ ህዝብና ኣብ ትሕቲ ኣረሜናዊ ስርዓት ንዘሕልፎ ዘሎ ኢሰብኣዊ ህይወት ተመልኪቱ፣ ነቲ ጀሚርዎ ዘሎ ምምርማር ገበናት ስርዓት ህግደፍ ኣበርቲዑ፡ እዚ ዝቃለለሉ ለውጢ ግቡእ ኣድህቦ ሂቡ፡ ኣድላይን ነቲ ጉጅለ ፈልዩ ዝቐጽዕ ስጉምቲ ክወስድ ጉባኤ ተማሕጺኑ። ከምኡ'ውን ንጐረባብቲ ሃገራት ብሓፈሻ፡ ንመንግስታት ኢትዮጵያን ሱዳንን ከኣ ብፍላይ፡ ኣብ ክባቢና ሰላምን ርግኣትን ዘረጋግጽ፡ ንህዝቢ ኤርትራ ካብቲ ጨቋኒ ጉጅለ ፈልዩ ዝርኢ ፖሊሲ ተኸቲለን፤ ምስ ህዝቢ ኤርትራን ተቓወምቲ ሓይልታትን ምትሕብባረን ክብ ከብላ ጉባኤ ጸዊዑ።
ክቡራትንን ክቡራንን
በዓላት ቦሎኛ፡ ኣብ መዋእል ጸረ መግዛእታዊ ብረታዊ ተጋድሎ፡ ዋንነቱ፡ ናይ ህዝቢ ደኣ'ምበር ፍሉይ ፖሊቲካዊ ሓይሊ፡ ኣውራ ድማ ስርዓት ህግደፍ ክብሕቶ ዘበት እዩ ብምባል፡ ንክልተ ዓመታት ኣብ ቦሎኛ ዘካየድኩሞ፡ ኮንፈረንሳት፡ ንምልካዊ ስርዓት ዝበድሀ ተበግሶ እዩ ነይሩ። ቦሎኛ ናብ ሓቀኛ ዋናታታ ንኽትምለስ ዝምጐስ ጸዓታት ኣካይድኩም ኢኹም። ንሕና ከም ሰዲህኤ እውን፡ ኣብ ክልቲኡ ዓመታት ብወግዒ ምስታፍና ሓበን ይስመዓና። ንሱ ጥራይ ዘይኰነ ካብኡ ዝወጻ ሓይሊ ዕማማት ብደረጃ ኣባላትና ተሳተፍቲ ብምዃን ሓይሊ ሓባራዊ ዕዮ ክሳብ ክንደይ ከም ዝበሃግን ዘድምዕን ንምስክር ኢና። እንሆ ድማ ሕጂ ቦሎኛ፡ ኣብ ልዳት ገዛና ኣብ በይ ኤርያ፡ ክትመጽእን ከም ቦሎኛ መጋባእያ ክህልወናን፡ ጸጋ ምዃኑ ኩልና ደለይቲ ፍትሒ እንዝንግዖ ኣይመስለንን። እዚ ድማ ነቲ ኩሉ ኣብ በይ ኤርያ ዝርከብ ሓይልታት፡ ተጠርኒፉ ንኽሰርሕ፡ መነሃርያ ክኸውን ናይ ልቢ ትምኒተይ እዩ። ብወገንና ከም ሰልፊ ዲሞክራሲ ህዝቢ ኤርትራ ፖሊቲካዊ ውደባናን፡ ዝንባሌታትናን እናተኸባበርና ሓባራዊ ሓልዮት እናጥረና ናይ ሓድሕድ፡ ምክብባር ብምዝውታር፡ ኣብ ትሕቲ ሓደ ናይ ዞናና ጽላል ተዓቝብና ቃልስና ከነወሃህድን ክሳብ ፍጹም ዓወት ክንቅጽሎን፡ ዘሎኒ ትጽቢት ዓቢ እዩ።
ብወገንና እዚ ሓድነታዊ ራእይ ኣዚ ንምዕዋትን፡ ወድቀት መላኺ ስርዓት ንምቅልጣፍን፡ ብዘይ ተዓቅቦ ኩሉ እንኽእሎ ከነበርክት ምዃንና ካብ'ዚ መደረኽ'ዚ ከረጋግጸልኩም እፈቱ። ቦሎኛ ኣብ በይ ኤርያ፡ ንህያው ምትእኽኻብ ደለይቲ ፍትሒ መነሃርያ ትኹን!
ብህዝባዊ ተሳትፎ ዝዕወት ፍትሓዊ ቃልስና፡ ብሓድነትና ይዓኩኽ!
ክብርን ዘልኣለማዊ ዝኽርን ንሰማእታትና
ውድቀት ንዲክታቶርያዊ ስርዓት
ፍስሃየ ሓጎስ
ኣባል ማእከላይ ባይቶ ሰዲህኤ
29 ነሓሰ 2015
ብ30 ሓምለ 2015 ኣብዝተዛዘመ ካልኣይ ጉባኤ ዝተመረጸ ማእከላይ ባይቶ ሰልፊ ዲሞክራሲ ህዝቢ ኤርትራ፡ ከካይዶ ኣብ ዝጸንሐ ተኽታታሊ ኣኼባታት፡ ሓያሎ ጉዳያት ኣልዒሉ ብምዝታይ ቀዳማይ ስሩዕ ኣኼባኡ ብዓወትደምዲሙ። ማእከላይ ባይቶ ኣብ ርእሲ እቲ ካልኣይ ጉባኤ ሰልፍና “ብህዝባዊ ተሳትፎ ዝዕወት ፍትሓዊ ቃልስና፡ ብሓድነትና ይዓኩኽ” ኣብ ትሕቲ ዝብል ጭርሖ፡ ዘካየዶ ሰፊሕ ዳህሳስ፡ ንህልዊ ኤርትራውን ከባብያውን ምዕብልናታት ዝምልከት ዓሚቝ ምይይጥ ኣካይዱ። ብመሰረት ዝገበሮ ዳህሳስ ኣብዚ እዋን’ዚ ኩነታት ሃገርናን ህዝብናን ኣብ ትሕቲ ኣርዑት መላኺ ጉጅለ ህግደፍ ዝነብሮ ዘሎ ኣሰቃቒ ሃለዋት፤ ህጹጽ ፍታሕ ዘድልዮ ምዃኑ ኣስሚርሉ።
ኣኼባ ባይቶ፡ ብመንጽር እቲ ህጹጽ ፍታሕ ዘድልዮ ኤርትራዊ ኩነታት፡ ናይ ለውጢ ሓይልታት ከምቲ ትጽቢት ዝተነብረሎም ክኾኑ ዘይምኽኣሎም’ውን ተገንዚቡ። ካብዚ ንምውጻእ ሰልፍና ኩሎም ናይ ለውጢ ሓይልታት ፍልልያቶም ኣመሓዲሮም፡ ኣብቲ ዘሰማምዖም ብሓባር ዝስለፍሉ ኩነታት ንምጥጣሕ ትጽቢት ዝግበረሉ ዕማም ንምፍጻም ክጽዕት ምዃኑ ወሲኑ። ቀጺሉ እውን ኣብዚ እዋን’ዚ ኤርትራውያን ኣብ ሃገሮም፡ ኣብ ስደት ኮነ ኣብ ጉዕዞ ናብ ስደት ንዝገጥሞም ዘሎ ዘስካሕክሕ ኩነታት ንምስዓር ሓያል ቃልሲ ከም ዝሓትት መዚኑ። ምስ'ዚ ብዝተተሓሓዘ፡ ኤርትራውያን መንእሰያት ኣብ ገዛእ ሃገሮም ብሰንኪ ደረት ዘይብሉ “ኣገልግሎት” ዝጉልባቡ ባርነት፥ ከምኡ'ውን፥ ፖለቲካውን ሰብኣውን ጸገማትን ተደሪኾም፡ ናብ’ቲ መሰረታዊ ፍታሕ ዘይኰነ ስደት ኣብ ዘምርሕሉ እዋን ግዳይ ነጋዶ ደቂ ሰባት፡ ምድረ-በዳታትን ባሕርን ዝዀንሉ ዘለዉ ኵነታት ንምፍታሕ ምስ ኩሎም ዝምልከቶም ኣካላት ብምትሕብባር ከም ወትሩ ክሰርሕ ሰልፍና ቅሩብ ምዃኑ ኣኼባ ማእከላይ ባይቶ ኣረጋጊጹ። ብፍላይ ድማ፡ ጸገማት ናይ'ቶም ኣብ ሱዳን፡ ኢትዮጵያ፡ ጅቡቲን የመንን ዝርከቡ ኤርትራውያን ስደተኛታት ንምቅላል ንጥፈታቱ ከሐይል ምዃኑ ኣስሚርሉ።
ማእከላይ ባይቶ፡ ብመሰረት’ቲ ንሓፈሻዊ ኩነታት ሃገርናን ከባቢናን ብዝምልከት ዝበጽሖ ገምጋም፡ እቲ መሰረታዊ ፍታሕ ብተሳትፎ ናይ ኩሎም ደለይቲ ለውጢ ጻዕርን ቃልስን ዝረጋገጽ ምዃኑ ይኣምን። ነዚ ንምትግባር ከኣ ዝተወሃሃደ ሓባራዊ ቃልሲ ናይ ኩሉ ደላይ ለውጢ ኣበርክቶ ወሳኒ ብምዃኑ፡ ሰልፍና ኩሉ ዝከኣሎ ከበርክት ኢዩ። ምስዚ ብምትሕሓዝ ድማ፡ ማእከላይ ባይቶ፡ ንኩሎም ኤርትራውያን ፖለቲካዊ ሰልፍታትን ውድባትን፡ በርገሳውያን ማሕበራትን ግዱሳት ውልቀሰባትን፡ ኣንጻር መላኺ ኣተሓሳስባ ህግደፍ ኣብ ዝካየድ ቃልሲ ነናቶም ኣበርክቶ ከወፍዩ ጸዊዑ። ከምኡ ውን፡ ነቲ ብዘይጐነጻዊ ኣገባብ ብህዝባዊ ማዕበል ለውጢ ከም ዝረጋገጽ ዘመላኽት፡ ኣብ ኩሉ ኩርንዓት እንዳሓየለ ዝመጽእ ዘሎ ኤርትራዊ ህዝባዊ ምልዕዓላትምሉእ ደገፉ እናሃበናህሩ ክውስኽን ክሕይልንድማ ጸዊዑ። ሓይልታት ምክልኻል ኤርትራ ረብሓኡ ምስ ረብሓ ህዝቢ እምበር፡ ምስ ጉጅለ ኢሳያስ ከምዘይኮነ ተገንዚቡ፡ መሳርሒ እቲ ጉጅለ ዘይኮነስ ዋልታ ህዝቡ ንክኸውን ባይቶ ተማሕጺኑ።
ኣኼባ ማእከላይ ባይቶ ብመሰረት ጉባኤ ዘሰከሞ ሓላፍነትን ቅዋም ሰልፍናን፡ ንባይቶን ፈጻሚት ሽማግለን ዝመርሕ ኣቦ-መንበርን ኣባላት ፈጻሚት ሽማግለን ብደሞክራሲያዊ መንገዲ መሪጹ። ብዘይካዚ ኣኼባ ማእከላይ ባይቶ ሰልፊ ደሞክራሲ ህዝቢ ኤርትራ ኣብዚ ቀዳማይ ኣኼባኡ፡ ጠቕላላ ተቖጻጻሪ መሪጹ። ምስ'ዚ ብምትሕሓዝ ማእከላይ ባይቶ ንውሳነታት 2ይ ጉባኤ መሰረት ገይሩ ሰልፊ ንዝመጽእ ሓደ ዓመት ዝምረሓሉ፡ ንኹሉ ኣብያተ ጽሕፈት ዝምልከት መደብ ዕዮ ኣጽዲቑ።
ኣብ መደምደምታ ባይቶ ኩሎም ኣባላት ሰልፊ ደሞክራሲ ህዝቢ ኤርትራ፡ ቀጻልነትን ሓያልነትን ሰልፊ ንምርግጋጽን 2ይ ጉባኤ ንምዕዋትን ንዘርኣይዎ ዘይሕለል ኣበርክቶ ሞጒሱ። ኣብ መጻኢ’ውን፥ ጉባአ ዝወሰኖም ውሳነታት ኮነ ባይቶ ዝሓንጸጾም መደባት ኣብ ግብሪ ንምውዓል ከም ወትሩ ጻዕሮም ከዛይዱ ጸዊዑ።
ማእከላይ ባይቶ ሰደህኤ
3 መስከረም 2015
መበል 54 ዓመት ዝኽሪ ምብሳር ብረታዊ ቃልሲ ህዝቢ ኤርትራ ብ30 ነሃሰ 2015 ኣብ ኣዲስ ኣበባ ብክብ ዝበለ ደረጃ ተዘኪሩ ውዒሉ። ነዚ ታሪኻዊ መድረኽ ዝወደበት “ኣውሃህዲት ኮሚተ ኤርትራውያን ስደተኛታት ኣብ ትዮጵያ” እያ። ኣብዚ ዝያዳ 3 ሺሕ ኤትራውያን ዝተሳተፍሉ ናይ ዝኽሪ መድረኽ ናይ’ዛ ወዳቢት ኮሚተ ጸብጻብ ቀሪቡ። ኣብዚ ጸብጻብ ድማ ነቲ መድረኽ ምውዳብ ዘድለየሉ ምኽንያታትን ኣብ ኤርትራ ዘሎ ሕሰምን መከራን ብዝርዝር ተገሊጹ።
ኣብዚ መብዝሕትኦም መንእሰያት፡ ስድራቤታትን ህጻናትን ኤርትራውያን ዝተሳተፍሉ መድረኽ፡ ኣብ ትሕቲ “ማሕበር ስነ ጥበባውያን ኤርትራውያን ስደተኛታት” ዝብል ማሕበር እትነጥፍ ጉጅለ ሙዚቃን ድራማን ዝተፈላለዩ መደባት ኣቕሪባ። ብፍላይ ድማ ብግጥምታትን ናይ 60ታት ደርፍታትን ዝተወሃሃደ ሙዚቃዊ ድራማ ኣዝዩ ሰሓቢ ነይሩ። ልዕሊ ኩሉ ድማ “ዝዜ” ኣብ ትሕቲ ዝብል ኣርእስቲ ዝቐረበትን፡ ነቲ ኤርትራውያን ኣብ ሃገሮም ኮነ ኣብ ጉዕዞ ናብ ስደት ዘጋጥሞም ስቓይን ሞትን ብሰፊሑ ዘረኣየት ስለ ዝነበረት ኣብ ተሳተፍቲ ፍሉይ ጦብላሕታ ዘሕደረት ነይራ። ብዘይካዚ ስደት ግዝያዊ እምበር መሰረታዊ መፍትሒ ከም ዘይኮነ ዘንጸባርቑ ግጥምታት እውን ቀሪቦም።
ኣብዚ “ከም ገስጋስ ናይ ናጽነት ንቕሎ ንሓርነት” ዝብል ጭረሖ ዘምረሐ መድረኽ፡ ተወካሊ ምምሕዳር ከተማ ኣዲስ ኣበባ ናይ ደገፍ ቃል ኣስሚዕም። እቶም ተወካሊ ጉጅለ ህግደፍ ንህዝቢ ኤርትራ ጠሊሙ ዝፍጽሞ ዘሎ በደላት ጠቒሶም፡ እቲ ስርዓት ብሰንኪ ሕማቕ ባህርያቱ ይቃላዕን ይንጸልን ከም ዘሎ ሓቢሮም። ኣተሓሒዞም ድማ ኢትዮጵያ ብዘይካቲ ስደተኛታት ክትቅበል ዘለዋ ዓለም ለኻዊ ግዴታ፡ ጉዳይ ኤርትራውያን ስደተኛታት ከም ኣሕዋት ብፍሉይ ከም እትርእዮ ገሊጾም።
ኣብ ዝሓለፈ 26 ሰነ 2015 ማዕረማዕረ ናይ ጀነቫ ኣብ ኣዲስ ኣበባ ኣንጻር ስርዓት ህግደፍ ዓብይ ሰላማዊ ናይ ተቓውሞ ሰልፊ ከም ዝተኻየደ ዝዝከር እዩ።
